Një aksident i rëndë ka ndodhur mbrëmjen e sotme në autostradën Lushnjë–Fier, në afërsi të fshatit Rrapëz, ku një motoçikletë ka përplasur një këmbësor.
Sipas informacioneve paraprake, motoçikleta me targa BK 530, e drejtuar nga shtetasi Aleksandër Hila, 55 vjeç, ka përplasur të moshuarin Hakim Maledhi, 70 vjeç, i cili po kalonte pranë autostradës. Si pasojë e përplasjes, të dy personat kanë marrë plagë të shumta dhe janë transportuar me urgjencë në Spitalin Rajonal të Lushnjës.
Burime nga spitali bëjnë me dije se këmbësori ndodhet në gjendje kritike për jetën, ndërsa drejtuesi i motoçikletës ka marrë plagë në kokë, për shkak se nuk kishte vendosur helmetën mbrojtëse, edhe pse e kishte me vete.
Policia rrugore ndodhet në vendngjarje dhe po punon për të dokumentuar shkaqet e aksidentit. Hetimet paraprake tregojnë se dyshohet për humbje kontrolli nga ana e drejtuesit të motoçikletës, çka çoi në përplasjen e rëndë.
Discussion about this post