Një aksident i rëndë është shënuar këtë të premte në Maqedoninë e Veriut.
Mësohet se një autobus ka dalë nga rruga dhe ka përfunduar në një kanal ku për pasojë 5 persona u plagosën. Ngjarja ndodhi rreth orës 06:30 të mëngjesit të sotëm, pranë fabrikës “Kromberg dhe Schubert” në fshatin Zhabeni, në rrugën për në Manastir.
Mediat maqedonase raportojnë se të plagosurit pasi kanë marrë mjekim, kanë lënë spitalin.
Theksojmë sërish se autobusi që doli nga rruga duke përfunduar në një kanal, transportonte punonjës të fabrikës “Kromberg dhe Schubert” . Deri më tani nuk dihen rrethana të ngjarjes në fjalë.
