Një aksident i rëndë rrugor është shënuar paraditen e kësaj të dielë në Tiranë. Ngjarja ka ndodhur në rrugën Hoxha Tahsim, ku sipas burimeve nga gijotina.com një automjet me drejtuese Xh. N., 26 vjeçe, ka humbur kontrollin dhe ka dalë nga rruga, ku si pasojë ka aksidentuar duke lënë të dëmtuar një çiklist dhe një këmbësor, të cilët po marrin ndihmë mjekësore në spital, nën kujdesin e mjekëve.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
Sakaq theksojmë se numri i aksidenteve edhe këtë fillim muaji është rritur. Mes aksidenteve të shënuara ditën e djeshme dy ishin me vdekje, në Lushnjë dhe Fushë-Krujë.
Policia rrugore nuk ka qenë në patrullim, e për pasojë shoferët kanë shkelur sinjalistikat rrugore, duke shkaktuar të plagosur dhe viktima.
Discussion about this post