Aksident i rëndë, përplasen makinat, dy persona përfundojnë në spital

Një aksident i rëndë ka ndodhur sot, rreth orës 16:00, në rrugën “UÇK” në Ferizaj, ku dy makina janë përplasur. Sipas zëdhënësit të Policisë për rajonin e Ferizajt, Kanun Veseli nga aksidenti dy persona janë lënduar. Veseli tha se personat e lënduar janë dërguar në Emergjencën e Ferizajt për të marrë trajtimin e nevojshëm mjekësor, ndërsa Njësia e Komunikacionit po e heton rastin.
“Sot rreth orës 16:10 , në rrugën e UÇK-së afër Komandës së Doktrinës dhe Stervitjes së FSK- se në Ferizaj ka ndodhur një aksindet komunikacioni, ku janë përfshirë dya automjet. Veç dëmeve të shkaktuara materiale janë lënduar 2 persona të cilët po trajtohen në Emergjencën e Ferizajt. Njësia e Komunikacionit është në vendin e ngjarjes dhe po e heton rastin”, tha Veseli për Express.