Aksident i trefishtë në aksin Fushë-Krujë-Vorë, plagosen dy persona

Një aksident me dy të plagosur është regjistruar pak çaste më parë në aksin rrugor Fushë-Krujë-Vorë.
Burimet bëjnë me dije se në aksident janë përfshirë 3 automjete. Fillimisht janë përplasur dy makinat e tipit ‘Benz’ dhe ‘Passat’, më pas dhe një tjetër automjet tip ‘Renault’.

Në momentin kur dy këto automjete janë përplasur, një qytetar i cili u afrua për të parë se çfarë po ndodhte, i preu rrugën mjetit tjetër tip ‘Renault’ me targë ‘AA285PX’. Drejtuesi i mjetit në pamundësi për ta shmangur, aksidentoi këmbësorin.

Si pasojë e aksidentit mbetën të plagosur Ramazan Xeka dhe Blerina Kaçorri. Ata janë dërguar me urgjencë në Spitalin e Traumës në Tiranë.