Kombëtarja e Holandës luan ndeshjen e radhës ndaj Malit të Zi në kualifikueset e kampionatit Botëror. Mbrojtësi dhe lideri i kësaj skuadre, Van Dajk është i bindur se tulipanët do të festojnë kualifikimin në ndeshjen e radhës ndaj Norvegjisë.
“Van Gal është një menaxher i mirë për lojtarët. Nuk dua të bëj polemika për trajnerët e tjerë pasi mendoj që të gjithë kanë kualitetet e tij, si Kuman dhe De Bur. Na presin dy ndeshje decizive ku mund të arrijmë diçka të rëndësishme.
Tifozët holandezë meritojnë të jenë në Botëror bashkë me ne për t’i dhënë bukuri atij kompeticioni. Momenti është me ne dhe mendoj që do të arrijmë të shkojmë në Botëror.
Mali i zi është një kundërshtar i vështirë, por ne duam të marrim tri pikët me vete për të festuar më pas ndaj Norvegjisë kualifikimin”, tha kapiteni i Holandës.
Discussion about this post