Një aksident me vdekje është shënuar mëngjesin e kësaj të marte në rrugën interurbane Durrës-Tiranë. Sipas policisë, viktimë ka mbetur një 63-vjeçare, e cila është përplasur nga një automjet, teksa kalonte rrugën.
“Rreth orës 05:05, në autostradën ‘Durrës-Tiranë’, shtetasi E.R., 43 vjeç, duke drejtuar automjetin, ka aksidentuar shtetasen F.M., 63 vjeçe, e cila për shkak të dëmtimeve ka humbur jetën në spital”, njoftoi policia.
“Me shtetasin E.R. po kryhen veprimet procedurale. Grupi hetimor po punon për sqarimin e rrethanave të aksidentit”, shtuan të njëjtat burime.
Discussion about this post