Aksident me vdekje në aksin “Fier-Seman”, makina përplas 50-vjeçarin me motor

Një aksident i rëndë ka ndodhur në orët e para të mëngjesit të sotëm, ku një makinë e drejtuar nga një 22-vjeçar ka përplasur një 50-vjecar i cili po udhëtonte me motor. Si pasoje e përplasjes ka humbur jetën drejtuesi i motorit. Pasi ka aksidentuar për vdekje 50 vjeçarin, i riu është larguar nga vendi i ngjarjes.

Njoftimi i policisë

Rreth orës 02:00, në aksin rrugor “Fier-Seman”, dyshohet se shtetasi A. G., 22 vjeç, duke drejtuar automjetin, ka përplasur motomjetin me drejtues shtetasin K. S., rreth 50 vjeç.

Si pasojë e përplasjes, shtetasi K. S. ka humbur jetën në vendngjarje.

Shërbimet e Policisë po punojnë për kapjen e drejtuesit të automjetit, shtetasit A. G., i cili është larguar nga vendi i aksidentit, me këmbë.

Grupi hetimor po punon për sqarimin e rrethanave të aksidentit.