Aksident me vdekje në Kukës/ Humb jetën shoferi, plagoset vajza e mitur

Një aksident me vdekje ka ndodhur këtë të martë në Kukës.

Viktimë ka mbetur një 46-vjeçar i cili ishte nën drejtimin e një automjeti që ka dalë nga rruga.

E plagosur ka mbetur vajza e mitur e 46-vjeçarit, e cila ishte pasagjere në mjet. Kjo e fundit, sipas policisë, është jashtë rrezikut për jetën.

“Rreth orës 09:20, në vendin e quajtur ‘Ura e Topojanit’, shtetasi A. I., 46 vjeç, duke drejtuar automjetin tip ‘Mitsubishi’, dyshohet se ka humbur kontrollin dhe si pasojë automjeti ka dalë nga rruga. Për shkak të dëmtimeve, shtetasi A. I. ka humbur jetën”, njoftoi policia.

“Nga aksidenti është dëmtuar edhe vajza e mitur e shtetasit A. I., pasagjere në automjet, e cila është jashtë rrezikut për jetën. Grupi hetimor po punon për sqarimin e rrethanave të aksidentit”, shtuan të njëjtat burime.