Aksident me vdekje në Mat, shoferi 19-vjeçar përplas këmbësorin (Emrat)

Një aksident me vdekje ka ndodhur mëngjesin e sotëm në një rrugë dytësore në zonën e Matit.

19-vjeçari Ergis Selimi teksa drejtonte automjetin e tij ka aksidentuar këmbësorin e identifikuar si Leonard Doçi, i cili si pasojë e dëmtimeve të marra, ka humbur jetën në spital.

Njoftimi

Mat/ Informacion paraprak

Me datë 06.10.2024, rreth orës 09.30, në rrugën dytësore të fshatrave Kurdari-Suç, shtetasi E.S., 19 vjeç, teksa drejtonte automjetin e tij, ka aksidentuar shtetasin E.D., (këmbësor), i cili si pasojë e dëmtimeve të marra, ka humbur jetën në spital.

Drejtuesi i automjetit është shoqëruar në Komisariat, për veprime të mëtejshme, ndërkohë grupi hetimor po punon për zbardhjen e shkaqeve të aksidentit.