Një grua ka mbetur e vdekur si pasojë e një aksidenti të ndodhur në kryeqytet, këtë të Martë.
Viktima, ende e paidentifikuar, ishte duke ecur në këmbë kur është përplasur nga një automjet.
Policia njoftoi paraprakisht se “në orën 16:00, në bulevardin “Zhan D’Ark”, M.A., 23 vjeç, duke drejtuar automjetin ka aksidentuar një shtetase, ende të paidentifikuar, e cila si pasojë është dëmtuar” dhe u transportua në spital.
Në një njoftim të dytë, policia tha se “shtetasja e dëmtuar, ka ndërruar jetë”.
Grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.
Discussion about this post