Aksident i rëndë në Vaqarr, humb jetën 23-vjeçari

Një aksident me vdekje ka ndodhur ditwn e sotme në Vaqarr. Në aksident është përfshirë një motor, ndërsa raportohet se drejtuesi i këtij të fundit ka humbur jetën.

Viktima, sipas raportimeve, është një 23-vjeçar, i cili ishte duke udhëtuar me motor, ndërkohë që një automjet i cili është futur në parakalim e ka marrë para motorin duke e lënë të vdekur në vend të riun.

23-vjeçari mësohet se punonte me motor shërbim delivery për shpërndarjen e pjesëve të këmbimit në servise automjetesh.

Tiranë/Informacion paraprak

Më datë 17.07.2023, rreth orës 15:05, në Vaqarr, automjeti tip “Audi’, me drejtues shtetasin A. Sh., është përplasur me motomjetin me drejtues shtetasin L. T., 23 vjeç.

Si pasojë, drejtuesi i motomjetit ka ndërruar jetë në vendngjarje.

Grupi hetimor po punon për sqarimin e rrethanave të aksidentit.