Aksident në aksin Burrel-Klos, 2 të plagosur

Një aksident me tre të plagosur ka ndodhur në rrugën nacionale Burrel-Klos. Nga raportimet mësohet se aksidenti ka ndodhur në vendin e quajtur Suç.

Policia ka nisur hetimet për zbardhjen e shkaqeve të aksidentit.

Policia njofton se qytetari me iniciale F.S. duke drejtuar makinën tip “Fiat” është aksidentuar me makinën tip “Volkswagen” me shoferin me iniciale H.H.

Si pasojë e përplasjes së mjeteve kanë mbetur të lënduar lehtë 2 pasagjerë, të cilët po marrin ndihmë mjekësore në spitalin e Burrelit.

Dy drejtuesit e mjeteve janë shoqëruar në Komisariat, për veprime të mëtejshme, ndërkohë grupi hetimor po punon për zbardhjen e plotë të shkaqeve të aksidentit.