Një aksident raportohet të ketë ndodhur në aksin Korçë-Pogradec. Mësohet se në afërsi të kryqëzimit të fshatit Leshnicë janë përplasur dy automjete dhe për pasojë kanë mbetur të lënduar drejtuesi i njërës prej mjeteve dhe djali i tij i mitur dhe foshnja e saj, të cilët ndodhen në spitalin e Pogradecit për ndihmë mjekësore.
Policia bën me dije se dy mjetet tip Volkswagen me drejtues respektivë shtetasit G. B. dhe shtetasin L. M., kanë qenë duke lëvizur nga Pogradeci në drejtim të Korçës dhe janë përfshirë në aksident. Policia në vendin e ngjarjes po punon për zbardhjen e dinamikës së aksidentit.
“Më datë 21.08.2022, rreth orës 15:10, në aksin rrugor Korçë-Pogradec, në afërsi të fshatit Leshnicë, janë përfshirë në një aksident rrugor dy automjete tip “Volkswagen” me drejtues respektivë shtetasit G. B. dhe shtetasin L. M.
Për pasojë janë dëmtuar drejtuesi, shtetasi G. B. dhe djali i tij i mitur pasagjer në mjet, të cilët u dërguan për mjekim në Spitalin e Pogradecit. Me drejtuesin tjetër po kryen veprimet e mëtejshme procedurale.”
Grupi hetimor po punon për zbardhjen e rrethanave dhe përcaktimin e shkaqeve të aksidentit.
Discussion about this post