Një aksident automobilistik është regjistruar në aksin Lezhë-Milot, në vendin e quajtur Spiten.
Burimet nga vendngjarja bëjnë me dije për Gijotina.com, se një makinë tip “Benz” ka goditur nga pas një tjetër automjet, po ashtu të tipit “Benz”, duke e nxjerr jashtë rruge e duke hedhur në kanal.
Siç shihet edhe në foto, makina ndodhet në një gjendje shumë të rëndë, e ngecur midis shkurreve dhe bimëve që ndodhen rreth kanalit.
Mësohet se nuk ka persona të lënduar, veç dëme materiale, ndërsa policia ndodhet në vendngjarje për të sqaruar rrethanat e aksidentit.
Në aksin Lezhë-Milot, nuk është hera e parë që ndodhin të tilla aksidente. Madje shpesh herë është kthyer në një vend lëndimesh për shumë njerëz të ndryshëm të cilët kanë kaluar në atë rrugë.
