Një tjetër aksident është regjistruar në vendin tonë brenda një afati shumë të shkurtër.
Aksidenti ka ndodhur në aksin rrugor Berat-Dimal në vendin e quajtur ‘Ura e Moravës’. Një automjet tip Toyota me targa AA 215 ZS përplaset me mjetin tip Ford Fokus me traga AA 048 FA.
Dy drejtuesit e mjeteve janë dërguar në spital për trajtim mjekësor. Nga pamjet duket se makina është përmbysur në një anë për shkak të përplasjes.
Policia ka mbërritur në vendngjarje dhe po punon për zbardhjen e shkakut të aksidentit. Dyshohet që edhe ky aksident është shkaktuar nga reshjet e shiut që përfshinë të gjithë vendin në pak minuta.
Gijotijna.com raportoi pak më para për një aksident ka ndodhur në Tiranë ku një “Audi Q8” është përplasur me shtyllën elektrike. Makina ka hipur në trotuar dhe është përplasur me shtyllën. Nuk dihet për të plagosur, por shihet se pjesa e përparme e automjetit është dëmtuar.
Po ashtu një aksident kishte ndodhur në aksin rrugor Fier-Vlorë, ku dy makina ishin përplasur me njëra-tjetrën. Reshjet e dendura të shiut dhe lagështira në rrugë kanë shkaktuar përplasjen e mjeteve.
Discussion about this post