Aksident në Divjakë/ Makina përplas motorin, kaska i shpëton jetën

Një aksident ka ndodhur mesditën e sotme në Divjakë, në fshatin Zharrnec.

Mjeti tip Citroen në manovrim për t’u kthyer në rrugë ka goditur një motoçikletë me të cilin udhëtonte personi i identifikuar me iniciale Rexhep Coku 60 vjeç banues në fshatin Muçias bashkia Divjakë.

Goditja ka qenë e madhe dhe i ka shkaktuar plagë të rënda 60 vjeçarit.

Fatmirësisht drejtuesi i motoçikletës kishte vendosur në kokë kaskën mbrojtëse e cila mesa duket i ka shpëtuar jetën.

Coku është transportuar me urgjencë në spitalin e Lushnjes nga ambulanca e ardhur nga Divjaka. Policia ka ndaluar drejtuesin e mjetit që shkaktoi aksidentin.

Frekuentimi i lartë i plazhit të Divjakës ka sjellë qarkullim të lartë në këtë aks rrugor.