Aksident në Durrës, humb jetën i riu

Një i ka humbur jetën në një aksident rrugor të ndodhur këtë pasdite në Durrës. Viktima është identifikuar si Dorjan Ndoj, 20 vjeç.

Ai ishte duke lëvizur në këmbë kur është përplasur nga një automjet në segmentin rrugor Shënavlash-Sektor Rina. I riu është dërguar për në spitalin rajonal, por rrugës ka humbur jetën.

Ndërkohë, drejtuesi i mjetit, Ledi Buna, 33 vjeç, është shoqëruar në komisariat.

“Në segmentin rrugor Shënavlash-Sektor Rina, automjeti me drejtues shtetasin L. B., 33 vjeç, ka goditur këmbësorin, shtetasin D. N., 20 vjeç, i cili ka humbur jetën në spital. Drejtuesi i automjetit shtetasi L. B, është shoqëruar në Komisariatin e Policisë Durrës, për veprime të mëtejshme. Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit”, njoftoi policia.