Një aksident automobilistik ka ndodhur në Durrës pasditen e sotme.
Mësohet se shtetasja me iniciale A.T 36 vjeçe teksa drejtonte automjetin, ka përplasur një këmbësore, e cila është identifikuar si S. H., 18 vjeçe.
E plagosura është dërguar në spital, ku ndodhet jashtë rrezikut për jetën.
Njoftimi zyrtar i policisë:
Durrësi/Informacion paraprak
Rreth orës 18:30, në lagjen nr. 8 Durrës, një automjet me drejtuese shtetasen A. T., 36 vjeçe, ka përplasur këmbësoren shtetasen S. H., 18 vjeçe, e cila ndodhet nën kujdesin e mjekëve jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post