Aksident në Elbasan/ Automjeti përplas këmbësoren, përfundon në spital

Një aksident me një të plagosur ka ndodhur mëngjesin e sotëm në lagjen “28 Nëntori”, në qytetin e Elbasanit.

Lidhur me ngjarjen, sipas policisë bëhet me dije se shtetasi me iniciale I. K., duke drejtuar automjetin tip “Ford”, ka aksidentuar qytetarin me iniciale M. S., e cila tashmë po merë mjekim në Spitalin Rajonal Elbasan.

Nga ana tjetër, drejtuesi i automjetit është shoqëruar në ambientet e Policisë, për kryerjen e veprimeve procedurale.

“Më datë 27.05.2022, rreth orës 08:40, në lagjen “28 Nëntori”, Elbasan, shtetasi I. K., duke drejtuar automjetin tip “Ford”, ka aksidentuar shtetasen M. S., e cila po merr mjekim në Spitalin Rajonal Elbasan. Drejtuesi i automjetit është shoqëruar në ambientet e Policisë, për kryerjen e veprimeve procedurale.”

Grupi hetimor ndodhet në vendngjarje dhe po punon për përcaktimin e shkaqeve të aksidentit.