Aksident në Kosovë, makinat përfundojnë brenda në lokal

Tre persona kanë pësuar lëndime trupore si pasojë e një aksidenti që ka ndodhur gjatë ditës së sotme në rrugën Prishtinë – Mitrovicë.

Zëdhënësja e Policisë së Kosovës për rajonin e Prishtinës, Flora Ahmeti ka thënë se në aksident janë përfshirë tri makina.

“Sot rreth orës 10:30, në rrugën Prishtinë -Mitrovicë, ka ndodhur një aksident trafiku. Në këtë aksident kanë qenë të përfshira tri automjete ( një ka qenë në lëvizje dhe dy të parkuara). Si pasojë e aksidentit lëndime trupore kanë pësuar 3 persona si dhe janë shkaktuar dëme materiale në një lokal”, theksoi ajo.