Një aksident me dy të plagosur është shënuar pasditen e sotme në aksin rrugor Lezhë-Milot në vendin e quajtur “Kryqëzimi i Tales”, ku një makinë tip “Fiat” u përplas me një motoçikletë, ku si pasojë kanë marrë dëmtime dhe janë dërguar në spital drejtuesi i motoçikletës dhe fëmija i tij i mitur.
I plagosur me të djalin mbeti Viktor Leshi 40 vjeç, banues në Tale. Drejtuesi i makinës tip “Fiat” Valentin Boçi është shoqëruar në komisarit. Policia thotë se grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
