Një aksident me tre të lënduar është shënuar në autostradën Fier-Lushnje. Policia njofton se përplasja ka ndodhur në kryqëzimin e Savrës, 5 km nga Lushnja, ku janë përfshirë dy automjete. Mësohet se shkak i këtij aksidenti ëshë bërë parakalimi i gabuar i një mjeti tip “Benz”, i cili ka përplasur mjetin tip “Opel Meriva”. Si pasojë mjeti tip “Benz” është ndaluar nga barriera në qendër të autostradës, ndërsa mjeti tip “Opel” ka përfunduar disa metra më tutje vendit ku ka ndodhur përplasja.
Të plagosur raportohet se janë shtetasit A. M., 23 vjeç, I. I., 43 vjeçe dhe drejtuesi i mjetit tip “Benz”, të cilët ndodhen në spitalin e Lushnjës jashtë rrezikut për jetën. Veçmas të lënduarve dhe dëmeve materiale, aksidenti ka krijuar trafik të rënduar në autostradën Fier-Lushnje. Ndërkohë grupi hetimor ndodhet në vendngjarje ku po punon për zbardhjen e plotë të rrethanave.
Discussion about this post