Deputeti i Partisë Demokratike Luçiano Boçi, ka folur rreth protestës që pritet të zhvillohet në 8 janar, për të cilën ka thënë se është thirrur nga Komisioni i Rithemelimit të PD-së dhe jo nga ish-kryedemokrati Sali Berisha. Situata në Partinë Demokratike për Boçin është më shumë se përplasje mes Bashës dhe Berishës si individë, por është krizë anëtarësie në raport me lidershipin.
“Nuk është një përplasje mes dy individëve, por krizë mosbesimi brenda PD, krizë e anëtarësisë në raport me lidershipin. Berisha është vënë në krye të një organizimi si sfidant të një gare të kërkuar nga Kuvendi Kombëtar i thirrur nga anëtarësia e PD, nëpërmjet delegatëve. Protesta e thirrur më 8 nuk është thirrur nga Berisha në mënyrë të posaçme, por është thirrur nga Komisioni i Rithemelimit të PD” u shpreh ai.
Deputeti i PD-së u shpreh se ndonëse lidershipi i kësaj force politike duket se është përqendruar tek Basha-Berisha, kjo nuk mbyll mundësinë e një gare mes demokratëve që kanë potencial për të drejtuar këtë parti.
“Berisha edhe pse ka dalë si kandidat për Kryeministër nuk e mbyll mundësinë e një gare. Tek e fundit një kandidat kur sheh potencën e tij, shfaq dhe ambiciet e tij. Fakti që hidhet kandidatura për Kryeministër krijon dhe besimin te baza. Pra luhet me terminologjinë për të përcjellë besim” theksoi Boçi.
Ndër të tjera Boçi e cilësoi 8 janarin si një është demostrim për t’i thirrur arsyes, pasi nuk mund të ngjallin konflikte tek qytetarët, të cilat nuk do t’i shërbenin Partisë Demokratike.
“Data 8 Janar është demonstrim për të thënë që duhet t’i thërrasim arsyes. Ne nuk mund t’i vendosim njerëzit në një konflikt nga një konflikt i gjuhës tek një konflikt i cili nuk na shërben brenda një force politike. Liderët e partive zgjidhen nga anëtarësia për të zgjidhur probleme dhe jo për të sjellë problem. Ata t’i thërrasin arsyes. Njëra palë e ka arsyen sepse Berisha është sfidant, po kërkon garë, ka hedhur dorezën e garës, në bazë të funksionimit të institucioneve të partisë”, tha ai.
Discussion about this post