Aksident në Pogradec-Qafë Thanë, 5 të plagosur

Një aksident me pesë persona të plagosur ka ndodhur në aksin Pogradec-Qafë Thanë.

“Rreth orës 12:00, në aksin ‘Pogradec-Qafë Thanë’, automjeti tip ‘Volkswagen’ me drejtues shtetasin I.R. është përplasur me automjetin tip ‘Benz’ me drejtues shtetasin P.G.Nga aksidenti janë dëmtuar 2 drejtuesit e automjeteve dhe 3 pasagjerë në automjetin tip ‘Volkswagen’, të cilët po marrin mjekim në spital”, njoftoi policia.

Grupi hetimor po punon për sqarimin e rrethanave dhe përcaktimin e shkakut të aksidentit, shtuan të njëjtat burime.