Një plagosje me thikë ka ndodhur këtë të mërkurë në Durrës. I lënduar ka mbetur Vangjel Marangoni, 60 vjeç, i cili ndodhej në vendin e tij të punës në lagjen nr.6 kur u plagos, teksa punonte si saldator.
Autori, sipas policisë, është një 45-vjeccar i cili vuan nga probleme të shëndetit mendor, i cili është arrestuar.
Ngjarja, sipas të njëjtave burime, ndodhi për “motive të dobëta”.
“Në lagjen nr. 6, Durrës, gjatë një konflikti për motive të dobëta, shtetasi R.Ll., rreth 45 vjeç (me probleme të shëndetit mendor) dyshohet se ka plagosur me mjet prerës (thikë), shtetasin V.P., rreth 60 vjeç, i cili ndodhet në spital, në kujdesin e mjekëve. Shërbimet e Policisë, pas marrjes së njoftimit, brenda pak minutash kanë bërë të mundur kapjen dhe shoqërimin e shtetasit R. Ll., në Komisariat, për veprime të mëtejshme. Vijon puna për dokumentimin e plotë të kësaj ngjarjeje”, njoftoi policia.
Discussion about this post