Aksident në Shkodër-Koplik, makina përplas motorin

Një aksident ka ndodhur këtë pasdite në aksin nacional Shkodër-Koplik.

Makina mësohet se ka përplasur motorin dhe për pasojë, drejtuesi i motorit është plagosur.

“Shkodër/Informacion paraprak

Rreth orës 16:40, në aksin rrugor Shkodër – Koplik, në kryqëzimin e fshatit Golem, mjeti me drejtues shtetasin D. Ç., 52 vjeç, është përplasur me motomjetin me drejtues shtetasin E. D., 33 vjeç.

Si pasojë, ka mbetur i dëmtuar shtetasi E. D, i cili ndodhet në spital, nën kujdesin e mjekëve.

Grupi hetimor ndodhet në vendngjarje dhe vijon punën për përcaktimin e shkakut të saktë të aksidentit”, njofton policia.