Një aksident është regjistruar në afërsi të TEG-ut, ku mësohet se dy automjete janë përplasur me njëri-tjetrin, duke bërë që njëri nga shoferët të përfundojë në spital.
Sipas njoftimit të policisë, aksidenti ndodhi rreth orës 13:05, ku janë përplasur mjeti me drejtues A. T., me mjetin me drejtues M. S., ku ky i fundit ka përfunduar në spital jashtë rrezikut për jetën.
“Më datë 19.04.2022, rreth orës 13:05, në afërsi të TEG-ut, janë përplasur mjeti me drejtues shtetasin A. T., me mjetin me drejtues shtetasin M. S. Si pasojë e aksidentit është dëmtuar shtetasi M. S., i cili ndodhet në spital, nën kujdesin e mjekëve, jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia.
Discussion about this post