Aksident tragjik në Greqi/ Fëmija 2 vjeç përplaset nga makina dhe tërhiqet zvarrë

Një aksident tragjik raportohet të ketë ndodhur në Greqi. Sipas informacioneve, një fëmijë vetëm  2 vjeç është përplasur nga makina dhe më pas është tërhequr zvarrë.

Ngjarja e rëndë u shënua sot në mbrëmje në verilindje të Greqisë, në qytetin e Ksanthit. Mediat e vendit fqinj raportojnë se fëmija ndërroi jetë në spital. Mësohet se ai i ka dalë para automjetit para makinës në një kryqëzim, e për pasojë është tërhequr zvarrë nga vetura.

Drejtuesi i mjetit, i tronditur nga aksidenti ka ndaluar dhe e ka dërguar fëmijën në Spitalin e Përgjithshëm të Ksanthit.