Një aksident tragjik mësohet se ka ndodhur në shtetin fqinj Itali, ku ka ndërruar jetë një shqiptar 20-vjeçar. Mësohet se viktimë e aksidentit është shqiptari Adenajd Hoxha. Shqiptari ka humbur kontrollin e mjetit, që u përplas me një kamion. Studenti 20-vjeçar prej kohësh jetonte me familjen e tij në zonën e Rovatos në vendin fqinj.
Përplasja ndodhi pasditen e djeshme në Sp11 mes Coccaglio dhe Rovato, ku 19-vjeçari shqiptar humbi jetën në një përplasje të fortë kokë më kokë mes makinës së tij dhe një kamioni.
Përplasja ndodhi vetëm pak larg nga viadukti hekurudhor mbi të cilin kalojnë binarët e linjës Milano-Venecia. Sipas grupit hetimor, djali ishte duke drejtuar mjetin ‘Ford Focus’ dhe po vazhdonte në drejtim të fshatrave të Rovatos.
Drejtuesi i kamionit u përpoq të shmangte goditjen, por asgjë nuk mundi të bënte dot asgjë më shumë.
Në vendngjarje ndërhynë ekipet e shpëtimit të Rovato Soccorsos, policia rrugore e Chiarit dhe ajo e Darfo Boarios, së bashku me zjarrfikësit e Brescias dhe Chiari.
Skena që u shfaq para syve të shpëtimtarëve dhe forcave të rendit ishte e tmerrshme: rrënojat e dy automjeteve ishin të shpërndara kudo në rrugë. I riu shqiptar dha shpirt në vend.
Discussion about this post