Aksidenti i 3-fishtë në Fier, plagosen dy fëmijë

Dy të mitur kanë mbetur të plagosur si pasojë e një aksidenti të 3-fishtë që ka ndodhur pasditen se së premtes në vendin e quajtur ” Fermë Çlirim” në Fier.

Policia thotë se rreth orës 18:20, në vendin e quajtur “Fermë Çlirim”, automjeti tip “Benz” me drejtues shtetasin E. N., është përplasur me automjetin tip “Opel” me drejtues shtetasin F. D. dhe me automjetin tip “Volkswagen” me drejtues shtetasin K. R.

Si pasojë e përplasjes janë dëmtuar lehtë pasagjerët në automjetin tip “Volkswagen”, shtetaset V. R., A. R., dhe dy fëmijë të mitur 2 vjeç dhe 10 vjeç , të cilët kanë shkuar në spital dhe po kryejnë ekzaminimet mjekësore.