Personi që shihni në foto është Ajas Suljemani, autori që shkaktoi aksidentin e tmerrshëm në rrugën e Kavajës, ku përplasi makinën e tij luksoze çiftin me foshnjën 3 muajshe.
Ai u vetëdorëzua në polici, rreth dy orë pas aksidentit.
Ai braktisi mjetin pasi përplasi çiftin Vilma dhe Arjan Konomi, dhe foshnjen e tyre 3-muajshme, që po kalonin rrugën mbi vijat e bardha.
Policia pak minuta pas ngjarjes arrestoi të afërmin e Sulejmanit, i cili ishte pasagjer në automjet, ndërsa shpalli në kërkim shoferin, i cili sipas raportimeve është vetëdorëzuar.
Sipas burimeve, autori është Ajas Sulejmani dhe mësohet se ka qenë në kërkim në vitin 2014 nga Britania e Madhe për trafik droge. Ende nuk dihet nëse e ka mbyllur këtë çështje me drejtësinë britanike. Ndërsa kujtojmë se ai lëvizte pa patentë, pasi policia ia kishte hequr 3 javë më parë.
Discussion about this post