Ajas Sulejmani, autori i aksidentit të rëndë që ndodhi ditën e dielë del sot para gjykatës së Tiranës.
Çifti Konomi dhe foshnja e tyre 3 muajshe u përplasën në “Rrugën e Kavajës” në Tiranë. Sulejmani akuzohet për shkelje semafori, aksidentim të këmbësorëve, mosdhënie ndihme për të aksidentuarit, largim nga vendi i aksidentit dhe drejtim mjeti nen efektin e narkotikeve.
Pas testit të drogës ku 39 vjeçari ka dalë pozitiv, Sulejmani është justifikuar se merrte disa substance me qëllim rritjen e masës muskulore pasi merrej me palestër.
Bashkëshortët Arjan dhe Viola Konomi dhe foshnja e tyre 3 muajshe ndodhen jashtë rrezikut për jetën. Pas analizave në spital ka rezultuar se Arjani ka fraktura në trup ndërsa e shoqja Viola ka pësuar hemorogji të brendshme. Fatmirësisht foshnja e tyre ka shpëtuar pa dëmtime me përjashtim të një gërvishtje në faqe.
Discussion about this post