Marc Marquez rrezikon të mos zbresë më në pistat e garave. Piloti do të mungojë në Valencia GP, i cili është raundi i fundit i Moto GP 2021, që do të zhvillohet më 14 nëntor.
Piloti i Honda-s nuk do të jetë as i pranishëm në testet e Jerez, të planifikuara për 18 dhe 19 nëntor për të testuar motorin e sezonit të ardhshëm.
Mjekët që bënë ekzaminimin e tij në Barcelonë, për të vlerësuar pasojat e rënies, teksa ushtronte motokros në fund të tetorit, ku raportoi për një tronditje të lehtë bënë me dije se problemi i tij është Diplopia.
Në një komunikim me mediat ekipi i Honda-s bëri me dije se: “Marc vazhdoi të ndihej keq dhe vuante nga probleme me shikimin, prandaj këtë të hënë u vizitua nga okulisti Dr. Sanchez Dalmau në klinikën spitalore, i cili e vizitoi dhe kreu teste, të cilat zbuluan një episod të ri të diplopisë, ose perceptimin e dy imazheve të një objekti të vetëm.”
Ndërsa mjeku Sanchez Dalmau, në postimin e Hondas, sqaron: “Ekzaminimi i kryer te Marc Marquez pas aksidentit të ndodhur konfirmoi se piloti vuante nga diplopia dhe evidentoi një paralizë të nervit të katërt të djathtë, me përfshirjen e muskulit të sipërm të zhdrejtë të djathtë. U zgjodh një trajtim konservativ me përditësime periodike, për të vijuar me evolucionin klinik. Nervi i katërt i djathtë është ai i dëmtuar në 2011″.
Kështu tetë herë kampioni i Botës e përfundoi në këtë mënyrë kampionatin e 2021-shit të Moto GP, ndërsa koha e rikthimit të tij nuk dihet, por po vihet në dyshim vazhdimi i karrierës sportive./K.T/Gijotina.com
Discussion about this post