Droga ka filluar të tregtohet edhe në biznese. Policia e Durrësit ka arrestuar 31-vjeçarin i cili akuzohet për veprën penale “Prodhim dhe shitje të lëndëve narkotike”.
Në pranga ka përfunduar personi i identifikuar me iniciale A.B., të cilit gjatë kontrollit të ushtruar në picerinë e tij në lagjen nr.17 të qytetit bregdetar iu është sekuestruar një sasi lënde narkotike Canabis Sativa, një peshore elektronike dhe një grirëse lënde narkotike.
Po ashtu policia ka vënë në hetim personin e identifikuar me iniciale Sh. D., 57 vjeç, banues në Sukth, Durrës, pasi në PKK Port Durrës, ka tentuar të kalojë kufirin shtetëror, në mënyrë të paligjshme.
Në hetim është vënë edhe personi i identifikuar me iniciale M. S., 51 vjeç, banues në Manzë, pasi është kapur në fshatin Armath, duke prerë dru, në mënyrë të paligjshme.
Discussion about this post