Nga kontrolli i Ministrisë së Zhvillimit Rajonal dhe Punëve Publike në rrugën Dragiçevo–Dikanja të autostradës së Strumës, ku ndodhi aksidenti tragjik ku humbën jetën 45 shqiptarë nga Maqedonia e Veriut, nuk është konstatuar ndonjë problem serioz, shkruajnë mediat bullgare.
“Sipërfaqja e rrugës është në gjendje të mirë. Vija e mesme ka kufij të lejueshëm të dukshmërisë në trotuar. Dukshmëria e tabelave të kufizimit të shpejtësisë është mbi nivelin e lejuar. Parmakët mbrojtës të vendosur në vitin 2007 përmbushnin normat”, tha ministrja e Zhvillimit Rajonal dhe Punëve Publike Violeta Komitova. Ajo saktësoi se në vitin 2021 janë miratuar norma të reja për parmakët mbrojtës, të cilët duhet të jenë të tipit “buffer”.
Problemet e vetme që zbulohen nga inspektimi janë se pjesa nga rrethrrotullimi afër Dragiçevës deri në fshatin Dolna Dikanya, ka një segment të rrugës me kufi 90 km/orë, kurse në zonën e aksidentit është 120 km/h. Kufiri maksimal i shpejtësisë u rrit në 120 km/h në vitin 2013.
“Shpejtësia është rritur për disa arsye“, komentoi Komitova. Tashmë është sugjeruar ulje e shpejtësisë deri në kryerjen e një analize të detajuar të rrugës.
Në rastin e aksidentimit të autobusit, shpejtësia nuk është faktor, pasi automjeti është i kufizuar që të mos kalojë më shumë se 100 km/orë dhe trajektorja e tij në metrat e fundit, paraprakisht ka rezultuar se lëvizte nën këtë shpejtësi.
Discussion about this post