Aksidenti me 5 viktima i ndodhur pasditen e djeshme në Qafë-Muzinë, ka sjellë reagime të shumta nga opinion publik, të cilët kryqëzojnë papërgjegjshmërinë e shoferëve që kryejnë manovra të rrezikshme, me pasoja në jetën e udhëtarëve të tjerë.
Lidhur me këtë ngjarje ka reaguar edhe Drejtori i Drejtorisë së Përgjithshme të Shërbimeve të Transportit Rrugor, Blendi Gonxhe i cili ka publikuar patentën e 22-vjeçares, Rexhina Celhaka, që drejtonte makinën tip “Land Rover“, që u përplas me fugonin ku ndodheshin 5 viktimat.
Në komentet të ndryshme kur qytetarët komentonin për patentën dhe mënyrën si merret në Shqipëri, Gonxhe në kundërshtim me çdo etikë dhe normë qytetare, ka publikuar patentën e të resë, duke u shfajësuar se dokumenti ishte lëshuar nga shteti italian ku e reja jetonte dhe jo nga institucioni i drejtuar prej tij.
Megjithate, publikimi i është kthyer në “boomerang”, ku dhjetëra komentuesë i kanë vënë në dukje shkeljen dhe cënimin e të dhënave personale të së resë.
