Janë zbardhur informacione të tjera në lidhje me ngjarjen e rëndë që ndodhi mbrëmjen e shkuar në Lezhë. Sipas informacioneve zyrtare të Policisë, personat që u përfshinë mbrëmjen e kaluar në një aksident janë jashtë rrezikut për jetën. Kështu bën të ditur Policia e Shtetit, e cila përmes një njoftimi, thekson se njëri prej shoferëve është dërguar në spital.
Aksidenti ndodhi rreth orës 22:00, në vendin e quajtur “Mbikalimi i Patokut”, ku janë përplasur dy automjete me drejtues shtetasit V. N. dhe A. H. Për pasojë janë lënduar dhe ndodhen në spital për ndihmën e nevojshme mjekësore, drejtuesi V. N. dhe pasagjerët në të dy mjetet shtetasit D. D., V. D., E. P., P. D. dhe B. D., të gjithë jashtë rrezikut për jetën.
Discussion about this post