Pak orë pas aksidentit tragjik me 3 viktima dhe 4 të plagosur mbrëmjen e të mërkurës në “Rrugën e Arbrit”, policia ka arrestuar Edison Lazrin, i cili mbeti i lënduar nga përplasja e dy automjeteve.
Atij i është komunikuar masa e “arrestit me burg” në spitalin e Traumës ku ndodhet për mjekim.
Nga aksidenti humbën jetën vëllezërit Kujtim e Murat Istrefi dhe gruaja e njërit prej tyre, Lulzime Istrefi. Përplasja e automjeteve ka qenë aq e fortë sa ato janë shkatërruar plotësisht.
Të plagosur mbetën Mërgim Lazri 25 vjeç, Edison Lazri 20 vjeç, Kadrie Markeçi dhe Firuze Istrefi 56 vjeç. Mësohet se dy vëllezërit gjetën vdekjen në vend, ndërsa Lulzimja vdiq në spitalin e Bulqizës.
Discussion about this post