Aksidenti në aksin Elbasan-Librazhd, 3 të plagosur

Tre persona kanë mbetur të plagosur si pasojë e një aksidenti që ndodhi pasditen e sotme në aksin Elbasan-Librazhd.

Nga raportimet e para mësohet se në aksident është përfshirë një motomjet dhe një makinë. Si pasojë e përplasjes janë plagosur 3 persona.

Elbasan/Informacion paraprak

Rreth orës 18:30, në aksin rrugor “Elbasan-Librazhd”, janë përfshirë në aksident rrugor automjeti me drejtues shtetasin C. M., 32 vjeç dhe motomjeti me drejtues shtetasin B. H..

Si pasojë e aksidentit janë dëmtuar shtetasi B. H., i cili është në kujdesin e mjekëve dhe 2 pasagjerë që udhëtonin në automjetin me drejtues shtetasin C. M., të cilët po kryejnë ekzaminimet në spital dhe janë jashtë rrezikut për jetën.

Me drejtuesin e automjetit shtetasin C. M. po kryhen veprimet e mëtejshme procedurale.

Grupi hetimor në vendngjarje vijon punën për përcaktimin e shkaqeve të aksidentit.