Detaje të reja janë zbardhur nga aksidenti i rëndë i shënuar mëngjesin e sotëm në aksin Burrel-Milot. Mësohet se numri i të plagosurve ka shkuar në 6 anëtarë të një familjeje, ndërsa makina brenda të cilës këta të fundit udhëtonin nga Dibra me drejtues personin e identifikuar si Z. Ç., ka humbur kontrollin, ka dalë nga rruga dhe është përmbysur.
Për pasojë, të gjashtë janë plagosur dhe janë nisur me helikopter drejt Tiranës, pasi ndodhen në gjendje të rëndë për jetën. Ende nuk dihet se çfarë e ka shkaktuar këtë aksident, por paraprakisht dyshohet se ka qenë lagështira në rrugë që e ka bërë mjetin të rrëshqasë.
Grupi hetimor vijon hetimet në vendngjarje për zbardhjen e shkaqeve të aksidentit. / A.L /Gijotina.com
