Është shënuar viktima e parë nga aksidenti i rëndë në Fushë Krujë-Kamëz, ku mësohet se ka humbur jetën një e moshuar. Sipas njoftimit, nga përplasja ka humbur jetën e moshuara me inicialet Z. D., 82 vjeçe.
Aksidenti i rëndë është regjistruar mëngjesin e sotëm në orën 08:30 ku automjeti me drejtues A. B., 41 vjeç ka humbur kontrollin duke dalë nga rruga.
Për pasojë ka humbur jetën e moshuara, si dhe janë dëmtuar drejtuesi i automjetit dhe pasagjerët G. D., 37 vjeç; A. M. dhe B. M., të mitur, të cilët ndodhen në spitalin e Traumës nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të kësaj dalje nga rruga.
Discussion about this post