Një tren pasagjerësh i linjës Athinë-Selanikë doli nga shinat në afërsi të tunelit të Tempe duke u përplasur me një tren mallrash që ishte duke udhëtuar në linjën Selanik-Larisa. Përplasja fatale iu ka marrë jetën deri më tani 36 personave, shumica prej tyre studentë. Një nga anëtarët e ekipit të shpëtimit tregoi për mediat greke se situata është kaotike dhe se nga vagonët e parë kanë nxjerrë vetëm trupa të pajetë.
“Tek tre vagonët e parë nuk u afruam dot pasi kishte rënë zjarr. Situata ishte tragjike pasi kishte shumë të vdekur. Ne gjetëm në fusha 4 deri në 5 persona të vdekur dhe në vagonët, kryesisht në tre të parët, nuk kishte asnjë të gjallë. Të plagosurit i nxorëm në fillim dhe më pas nxorëm vetëm të vdekurit. Ka shumë viktima. Kishte të rinj, 80% ishin të rinj, nën 30-vjeç. Shumica e të vdekurve që gjetëm ishin të rinj. Trupat e viktimave po identifikon nga familjarët në spitalin e Larisës. Nga dy vagonët e parë dolën 2-3 të karbonizuar. Është e vështirë që t’i identifikosh.”-tha ai.
Ngjarja e rëndë ndodhi pak para mesnate në Greqi. Dy trena u përplasën me njëri-tjetrin duke shkaktuar një zjarr që deri më tani iu ka marrë jetën 36 personave. Një tren me 350 që po udhëtonte nga Athina drejt Selanikut u përplas me një tren mallrash. Shkak për shpërthimin e zjarrit dyshohet se është bërë prerja e një kabulli elektrik në njërën prej vagonët të trenit me pasagjerë që në momentin e përplasjes ka rezultuar fatal.
Discussion about this post