Aksidenti me 4 viktima, mes të cilëve edhe mjeku shqiptar Sokol Hoxha ka lënë pas shumë dhimbje. Stafi mjekësor, infermierët dhe mjekët që punuan me 40-vjeçarin nga Elbasani, shkruajnë: “Sokol, u kujdes aq shumë për punën tënde na le një boshllëk të madh”.
I lindur në vitin 1982, ai kishte studiuar për mjekësi dhe ishte baba i një foshnje 4 muajshe. Pas diplomimit, ai shërbente prej vitesh si mjek urgjence në Fossombrone.
Kujtojmë se mes katër viktimave të aksidentit tragjik që ndodhi ditën e djeshme (27 Dhjetor) në Itali ku një autobus me fëmijë që po shkonin në ekskursion u përplas me një ambulance brenda tunelit Ca’ Gulino, ishte edhe një shqiptar. Bëhet fjalë për mjekun 40-vjeçar Sokol Hoxha, i cili studioi në Politeknikumin Marche dhe babai i një foshnjeje 4 muajshe.
Në një mesazh prekës nga këshilltari i qarkut për kujdesin shëndetësor Filippo Saltamartini, për mjekun Hoxha thuhet se: “Personeli shëndetësor që punon në ambulancë rrezikon jetën çdo ditë dhe e vë në shërbim të pacientëve. Janë heronj të heshtur dhe të ditës: sot tre prej tyre ranë duke kryer detyrën. Duhet t’u jemi mirënjohës të gjithë atyre që e vënë veten në shërbim të komunitetit çdo ditë me kurajo dhe altruizëm”, raportojnë mediat italiane.
Tymi i zi dhe flakët kanë përfshirë tunelin ndërsa mediet italiane raportojnë se viktimat janë mjeku shqiptar, infermierja, shoferi i ambulancës dhe pacientja e ambulancës që ishte nisur për në Urbino.
Discussion about this post