Ka ndërruar jetë njëri nga pasagjerët që ndodhej në makinën që u aksidentua para pak minutash në Koplik. Policia jep detaje se në unazën e qytetit të Koplikut, mjeti tip “Benz” me shofer personin e identifikuar me iniciale E. P., 20 vjeç, banues në Rrashkullaj, Malësi e Madhe, është përplasur me mjetin tip “Volkswagen” me shofer personin e identifikuar me inciale L. B., 40 vjeç.
Si pasojë e përplasjes ka ndërruar jetë pasagjeri që udhëtonte në mjetin tip “Volkswagen” i identifikuar si Durim Lushaj rreth 45 vjeç dhe janë plagosur personat L. B. (drejtuesi) dhe E. Sh., të cilët ndodhen në spital, jashtë rrezikut për jetën.
Drejtuesi i automjetit tip “Benz” është shoqëruar në ambientet e Policisë, për veprime të mëtejshme.
Grupi hetimor vijon punën për sqarimin e rrethanave të aksidentit.
