Policia e Korçës ka arrestuar një nga drejtuesit e mjeteve i cili u përfshi në aksidentin që ndodhi mbrëmjen e djeshme në fshatin Plasë, të Maliqit duke shkaktuar tre të plagosur.
Sipas njoftimit, në pranga ka rënë personi me inicialet J. L., 51 vjeç, banues në Korçë pasi ka rezultuar i dehur në momentin e aksidentit, si dhe ka nisur procedimi penal në gjendje të lirë për B. C., 35 vjeç, banues në fshatin Plasë, Maliq.
Në gjendje të dehur, J. L., u përplas me mjetin tip “Toyota”, me drejtues B. C. dhe për pasojë janë dëmtuar drejtuesi i mjetit tip “Toyota” B. C; pasagjeri i mjetit tip “Renault” shtetasi A. M., 58 vjeç, banues në Korçë, të cilët ndodhen jashtë rrezikut për jetën, si edhe J. E., 17 vjeçe, banuese në Pogradec, pasagjere në mjetin tip “Toyota”, e cila ndodhet në gjendje të rëndë shëndetësore.
Materialet i kaluan Prokurorisë pranë Gjykatës së Shkallës së Parë Korçë, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”.
Discussion about this post