Detaje të reja kanë dalë nga aksidenti që ndodhi mbrëmjen e shkuar në Shkodër, tek Ura e Vrakës, ku dy makina janë përplasur mes tyre. Kujtojmë se si pasojë e përplasjes ka mbetur i vdekur një person dhe janë plagosur tre të tjerë.
Viktima, sipas informacioneve paraprake, është shtetasi Arif Bajrami , 20 vjeç nga Shëngjini. Ndërkohë që i plagosur ka mbetur shoku i tij që ishte pasagjer në makinë, dhe dy personat që ndodheshin në mjetin tip audi. Tre të plagosurit janë në gjendje të rëndë dhe mes tyre ndodhet një grua.
Sipas burimeve, shkak për aksidentin është bërë lagështira në rrugë dhe shpejtësia tej normave të lejuara, gjithsesi policia po vazhdon më tej hetimet për të zbardhur ngjarjen.
Discussion about this post