Aksidenti në Vlorë/ Humb jetën 21-vjeçari, në gjendje të rëndë shoferi

Rëndohet situata sa i përket aksidentit që ndodhi sot në Radhimë. Bëhet me dije se ka ndërruar jetë një nga të lënduarit, ndërsa vijon të jetë në gjendje të rëndë shoferi i makinës. Mësohet se ka humbur jetën 21 -vjeçari Savjo Dhimojani .

Sipas burimeve një makinë  tip “Ford Focus” me targa AA581GV  ka dalë nga rruga dhe është përplasur me një shtyllë në anë të saj duke pësuar dëme të mëdha materiale, ndërsa dy personat që ishin brenda morën plagë të rënda. Fillimisht 21- vjeçari kaloi në gjendje kome, por me sa duket nuk i ka rezistuar dot plagëve të marra. Ndërsa, për fat të keq edhe i plagosur tjetër është në gjendje të rëndë.