Aksidenti pranë ambasadës amerikane në Tiranë, automjeti humbi kontrollin dhe përplasi dy persona

Policia e Tiranës ka reaguar lidhur me aksidentin e raportuar pak më herët në rrugën e Elbasanit në Tiranë, pranë ambasadës amerikane.

Në njoftim bëhet me dije se një 52-vjeçar ka humbur kontrollin e automjetit që drejtonte dhe si rezultat makina ka dalë nga rruga. Si pasojë ka mbetur i plagosur një një 63-vjeçar që lëvizte me biçikletë dhe një këmbësore 18 vjeç. Dy të plagosurit ndodhen në spital, nën kujdesin e mjekëve.

“Më datë 23.01.2025, rreth orës 16:20, në Rrugën e Elbasanit, shtetasi R.T, rreth 52 vjeç, ka humbur kontrollin mbi drejtimin e automjetit dhe për pasojë automjeti ka dalë nga rruga duke goditur fillimisht shtetasin E. E., rreth 63 vjeç, që lëvizte me biçikletë dhe shtetasen V. S., rreth 18 vjeçe, këmbësore, e më pas u përplas me murin rrethues të një ndërtese (seli diplomatike). Dy shtetasit e dëmtuar ndodhen në spital, nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit”, njoftoi policia.