Mediat italiane kanë publikuar detaje të reja lidhur me aksidentin tragjik që i mori jetën një 18 vjeçari shqiptar, ndërsa shoku i tij u plagos rëndë.
Dy të rinjtë, Valerio Maksuti dhe shoku i tij 19 vjeç jetonin prej vitesh në Bolonja. Ishin larguar nga Shqipëria të mitur pa familjen e tyre për të jetuar në Itali për një jetë më të mirë.
Ata ndodheshin në automjetin Audi, i cili kishte rezultuar i vjedhur prej disa ditësh dhe u përplas me një shtyllë në rrugën Murri, në Bolonjosës mëngjesin e 12 shtatorit 2025.
Ata po përpiqeshin t’i arratiseshin kontrollit policor.
Ata pak dëshmitarë që kanë qenë në rrugë në orën 05:30 të mëngjesit tregojnë për një makinë që po ecte si e çmendur ‘ ndoshta me 150 kilometra në orë’ tregon shitësi i gazetave, Massimo Mastri dëshmitar i gjithë skenës.
Kamerat filmuan aksidentin
Një kamera sigurie kanë kapur pamjet kur Audi me ngjyrë jeshile vjen me shpejtësi të çmendur në kryqëzimin me via dei Lamponi, në drejtim të periferisë. Makina humbet kontrollin dhe brenda një fraksioni sekonde përplaset me një shtyllë ndriçimi.
Makina ndahet në dysh e bëhet copa copa, një grumbull llamarinash. Brenda në sediljen e pasagjerit ishte 18 vjeçari Valeria, për të cilin nuk kishte asnjë shans për ti shpëtuar jetën.
Valjero Maksuti, 18 vjeç, vdiq në vend. Drejtuesi i mjetit, 19 vjeç, mbeti i plagosur por i mbijetoi mrekullisht. Doli nga ajo grumbull llamarine pothuajse i padëmtuar, ndërsa u dërgua në spitalin Maggiore.
Ai është arrestuar për ’vrasje në rrugë’ ndërsa akuzohet dhe për rezistencë ndaj policisë, pasi automjeti me të cilin udhëtonin kishte rezultuar i vjedhur në Bolonjë në natën mes 8 dhe 9 shtatorit.
Kamera e sigurisë ka regjistruar dhe momentin kur mbërrin makina e policisë, që po e ndiqte vetëm pak sekonda pas përplasjes.
Agjentët zbresin menjëherë nga makina për të dhënë ndihmën e parë. Por mes dy automjeteve nuk ka pasur asnjë përplasje e sqaroi Policia e Shtetit, duke tentuar të shuajë çdo polemikë që në fillim dhe duke shpërndarë gjithashtu videon për shtypin, vetëm pak orë pas aksidentit.
Arratisja që përfundoi në tragjedi
Të rinjtë në bordin e makinës po iknin pikërisht nga patrulla e policisë, e cila kishte vënë re Audi-n të ndalur në një semafor të kuq në via Tolmino. Automjeti ishte i shtrenjtë, ndërsa dy të rinjtë në timon tepër të rinj në moshë. Agjentët iu afruan dhe i kërkuan drejtuesit të ndalonte për një kontroll. Por sapo semafori u bë jeshil, 19-vjeçari në timon shtypi gazin dhe u largua me shpejtësi të madhe.
Fillon ndjekja: Audi-ja ecën me shpejtësi të cmendur përgjatë bulevardeve e më pas në via Murri. Pikërisht aty, në kthesën pranë via dei Lamponi, 19-vjeçari humbi kontrollin e mjetit dhe u përplas me një shtyllë.
Patrulla e policisë, e cila për një segment të rrugës kishte humbur nga shikimi Audi-n, mbërriti menjëherë pas përplasjes. Këtë e dëshmojnë edhe disa banorë që dëgjuan goditjen dhe dolën menjëherë në dritare.
Brenda në Audin e aksidentuar policia gjeti dorezë hekuri, një çekiç për thyerje xhamash dhe mjete për vjedhje me thyerje.
Hetimet
Hetimet janë ende në fazën fillestare dhe është herët për të thënë se ku ishin nisur dy të rinjtë dhe çfarë kishin ndërmend të bënin. Dy të rinjtë nuk ishin të njohur për policinë. Nuk është e qartë as kush e kishte vjedhur makinën.Ka shumë gjasa që ajo të mos ishte marrë prej tyre, por nga dikush tjetër.
Si Audi-ja, ashtu edhe patrulla e policisë janë sekuestruar, ndërsa trupi i pajetë është vënë në dispozicion të prokurorit.
gijotina.com/
Discussion about this post